|
Orozco obtén o apoio do PP de Lugo |
|
|
|
Redacción MundoGaliza
|
Martes, 26 de Xuño do 2007 |
Galiza
|
|
|
| O PP de Lugo salvou onte a situación de goberno en minoría do rexedor, o socialista Xosé Clemente López Orozco, ao acadar un acordo nos puntos máis conflitivos do primeiro pleno da corporación, no que se aprobou o funcionamento para a nova lexislatura, as dedicacións exclusivas e as asignacións economicas a cada grupo. |
Este entendemento entre PSOE e PP a interpretou o voceiro nacionalista, Xosé Anxo Laxe, como "unha falta de lealdade" e lembrou que as negociacións entre socialistas e nacionalistas aínda non están rotas, xa que falta a nova reunión que se celebrará o vindeiro mércores.
O voceiro popular, Joaquín García Díez, xustificou a orientación das decisións do seu grupo baseándose na falta de entendemento de PSOE e BNG para alcanzar un pacto de goberno ante o que, segundo el, "facía falta botar unha man". Mentres, o novo voceiro socialista, José Rábade, valorou o comportamento do PP, que considerou un "exemplo de responsabilidade" para facilitar a gobernabilidade "ben en minoría ou en maioría".
A proposta conxunta, que contou co voto en contra do BNG, establece tres persoas de confianza para cada grupo e oito máis para o goberno local. Ademais, cada grupo percibirá 3.900 euros mensuais e 800 euros a maiores por cada concelleiro.
Comentarios () |
|
|
|
|
|
