Lembrar (por se alguén anda despistado) que Ynestrillas é fillo do militar Ynestrillas Martínez, implicado no intento do golpe de estado do 23-F. Tivo varios problemas coa xustiza, condenado sete anos por disparar a un narcotraficante que non lle fiou un gramo de cocaína nunha discoteca e acusado (tres anos no cárcere) por participar no asasinato do deputado Josu Muguruza de Herri Batasuna.
Tamén sobre el-Rei D. Juan Carlos ten dito "lindezas" como esta:
“O Rei, ese subnormal xenético, que se supón que debe garantir todos os dereitos mais, sobre todo, a unidade de España; ese si que debe estar contento, pois tras consumar a súa traizón a unha Nazón e a un pobo, permitiu todo o que está a ocorrer, como o asasinato -que el asinou coa súa firma de borracho- de 80.000 nenos ao ano aínda no seo das súas nais, a eutanasia pasiva e a legalización dos matrimonios homosexuais”.
Ynestrillas utilizou Telecinco para criticar a partidos democráticos como o BNG (ao que chamou amigo da ETA) e, como é habitual, a el-Rei de España.
O preocupante non é que o programa "La Noria" sexa un programa de "xornalismo de investigación" dando tribuna a "personajillos del tres al cuarto" (no seu idioma para que o entenda) senón que este "carrusel" ofreceuselle a alguén que, de poder, negaríanos calquera dereito aos demais.
Quen será o próximo que subirá a esta noria? Todo vale para conseguir cota de pantalla, até a apoloxía do franquismo?
Vergoñento!!!.
