|
Candidatura da Torre de Hércules |
|
|
|
Redacción MundoGaliza
|
Venres, 14 de Setembro do 2007 |
A Coruña
|
 |
A Consellaría de Cultura e Deporte presentará o luns, ante o Ministerio de Cultura, a candidatura da Torre de Hércules a ser Patrimonio da Humanidade. A partir de aí, será o Ministerio quen decida a lista de candidaturas que se presentan a nível estatal ante a UNESCO. |
O alcalde da Coruña, Javier Losada, mostrou a súa "satisfacción" porque a Consellaría "cumprira coa súa obriga", aínda que advertiu de que "será un camiño longo".
Losada asegurou que "se hai un monumento na Galiza que teña as bases e sinais de identidade para ser Patrimonio da Humanidade esa é a Torre de Hércules", por tratarse do "único faro romano en activo" e ademais sinal de identidade dunha cidade.
"A cidade visualízase en calquera lugar do mundo coa Torre", sentenciou. Así, afirmou estar a traballar coa conselleira de Cultura, Ánxela Bugallo, ao longo do mes de agosto "pedindo a maior celeridade" para a tramitación, pola que se mostrou "encantado", xa que considerou que "vai alcanzar total receptividade" no Goberno de España para a súa tramitación ante a UNESCO.
Para apoiar a candidatura, o Concello da Coruña está preparando "un acto multitudinario e con presenza das novas tecnoloxías" no que os coruñeses que o desexen poderán mostrar o seu apoio á candidatura da Torre de Hércules.
Comentarios () |
|
|
|
|
|
