O cidadán Touriño, como presidente galego, anuncia una nacionalización en masa de emigrantes no seu periplo institucional polo Cono Sur. Días antes deixa só ao Bloque no Parlamento nunha moción de recoñecer a natureza galega aos fillos da diáspora. Curioso. O cidadán xa tiña previsto ampliar a medida aos netos.

En resumo, a quen beneficia tal medida de facer galegos con dereito a voto a miles de persoas?

Touriño cre que a el. Porén, hai quen considere que esa xente ten algo de galego?

Son dos que pensa que non, pola sinxela razón que se a emigración a América comezou a ser residual desde os anos cincuenta do século pasado, de tal xeito que un neto dun galego que marchase por aquela época con 20 anos tería agora entre sesenta ou setenta anos.

Coñecín a xente nesta situación que o único que coñecen da Galiza e o Real Madrid e a paella de lumbrigante. Curioso, e máis cando dicían que votaban no seu concello porque lle levaban os papeis alguén que lles estaba a solucionar a venda dunha leira recibida en herdanza “por mucha plata”.

A verdade é que sigo sen entender que lles debemos os galegos xa a esta xente que marchou hai máis de cen anos, desvinculados destes pagos, cando temos galegos de color (negro, amarelo e branco) que traballan aquí, pagan aquí e aprenden galego aquí e espallan a nosa cultura.

Comentarios (1)

1 Fran Máis Votos para PSOE e PP. Outubro 10, 2007

Escribir comentario

Nome

Comentario

Novo Comentario

Compartir: