Non só a empresa Ferroatlántica é responsable do baleirado do encoro da Fervenza. A investigación do SEPRONA indica que a Consellaría de Medio Ambiente recibe informes diarios sobre o estado dos encoros, polo que debería intervir antes para evitar a diminución do caudal. Eses informes que chegan por fax non se len, non hai ninguén encargado de ler eses informes, amontóanse nunha mesa?

Fontes do sector indican que unha diminución tan grande non se pode levar a cabo nun só día. O conselleiro de medio ambiente xustifica que non existe unha figura administrativa que permita á consellaría intervir até que non se comunique que hai unha xestión atípica. Penso que ese non é o problema, o problema parece ser a falta dunha persoa entendida no tema que poida interpretar uns datos que chegan todos os días.

Responsabilidade toda, mais para todos.

Escribir comentario