Xabier Pérez Igrexas, apresentaba o pasado 14 de novembro a renuncia ao cargo de Vicepresidente da Asociación Veciñal « Val do Fragoso »  na que participara activamente dende 1998, asumindo diferentes responsabilidades no seo da mesma e da que é socio dende 1995.

Clarexa que a decisión non foi tomada por cansanzo ou falta de ganas de continuar a traballar nun proxecto ilusionante, e manifesta que está á disposición das/os socias/os da entidade. Nove días despois da renuncia, o 23 de novembro, lanzaba á Rede un blog en chave reinvidicativa.

[VDF Blog], como foi titulado, lánzase coa intención de « de convertelo non só nun meio de reflexión persoal sobre as problemáticas do noso bairro, senón tamén co humilde propósito de facer del unha ferramenta de reivindicación » como afirmou o seu autor no post de apresentación da bitácora.

« Este blog denunciará as deficiencias, reclamará o défice dotacional e urxirá respostas ás necesidades habitualmente obviadas. Sen conformismos nen medias tintas. » enfatízase no blog que pretende ser unha fiestra do barrio na Rede.

Os dúas primeiras entradas publicadas falan do Proxecto de Orzamentos Municipais para o exercicio 2008 que apenas destina 200.000€ para o Val do Fragoso,  e sobre a visita que o pasado venres 23 de novembro realizaba o Tenente de Alcalde, Santi Domínguez e varios concelleiros do BNG ao barrio.

Podese acceder ao blog no enderezo www.blogoteca.com/valdofragoso , e está aberto á participación das/os visitantes a través de comentarios.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario