|
Beatriz Guiance
|
Martes, 25 de Decembro do 2007 |
Beatriz Guiance
|
 |
O secretario executivo de Comunicación do PP, Gabriel Elorriaga, presentou a nova web que o PP crea para promocionar a candidatura de Rajoy nas eleccións xerais de 2008. Elorriaga asegurou que Internet se converteu nun elemento de 'relevancia política', pois ofrece ferramentas políticas suficientes e eficaces para facer algo importante. |
No blog de Neto Ratón colgaron os códigos fontes que demostran que a web de Rajoy se fixo en tan só 5 días. Iso é correr e o demais son tonterías.
Coa publicación destes códigos fontes enténdese que numerosos blogeiros cualifiquen a páxina web de Rajoy como unha enorme chapuza.
A ninguén lle estraña logo de ver isto que a páxina tivese erros de seguridade e deixara de funcionar varias veces.
Até cando seguirán encargando as súas webs a empresas de curmáns, cuñaaaaos e amiguetes varios en troques de facelo con profesionais? Alá eles! Iso éche o de menos.
Case que iso é o de menos xa que a páxina web de Rajoy non só se converteu en noticia polos seus problemas técnicos, senón por dar cabida nos seus foros a grupos radicais de extrema dereita. Os grupos máis radicais da dereita española que seguen cuestionando a investigación do 11-M e que se dedican a insultar e a ameazar a xuíces, policías, políticos e xornalistas.
Iso sen contar coas amables referencias ao Goberno e ao seu presidente.
Despois, con dicir que non é responsable do que outros din na súa web.... pensa que xa está! ... Marianiño, Marianiño, hai algo que se chama moderar e o pode facer calquera administradorciño, con eliminar o improcedente e chamar á cordura dos foreiros xa abondaría. Ou non hai vontade de facelo ou o curmán que che leva a páxina sabe tan pouco como o outro curmán que che dixo que o do cambio climático era un conto.
Comentarios () |
|
|
|
|
|
