Toca fin de ano e é hora de facer balance do sucedido en Galicia no 2007 e non se pode ser positivo, como o inefable Touriño, porque sempre queda algo máis. A autosatisfacción parece cousa de necios.

Continuamos falando do AVE outro ano máis, e os que nos quedan, porén cómpre establecer necesidades, ou priorizar en touriñolés, que son de carácter diario e que contribúen a vivir mellor e a agradar a cegada do famoso tren mentres se desenvolven outras actividades.

Mentres os políticos pensan que o AVE vai situar a Galicia na cabeceira do desenvolvemento, outras liñas de comunicación permanecen no ostracismo. Refírome á banda ancha, ADSL ou cabo, que tamén son motores de desenvolvemento e que están a prezos inalcanzables para o usuario e que as empresas galegas apenas saben utilizar para facer negocio.

A tan traída comparación con Irlanda di que o carácter isleño non lles fai preciso gastar cartos en AVES e por iso lideran o sector das tecnoloxías. Agora ben, mentres non chegue o famoso tren que temos que facer? Tirar de modem? Acaso non son compatibles trens e ADSL? Segundo un xuntista, non? Señor, señor...

A Galiza pagá ten que seguir afrontando o céntimo sanitario, as portaxes máis caras as telecomunicacións máis deficientes e agora un canon dixital por delincuentes futuros. Viva Madrid! E por riba pagando a electricidade a prezo de ouro, cando sae para a meseta das nosas portas. País!

Onde está pois o autogoberno?

Comentarios (0)

Escribir comentario

Nome

Comentario

Novo Comentario

Compartir: