 |
Era un "acto litúrxico" mais acabou por se converter en toda unha reivindicación da familia tradicional cristiá, nunha pechada defensa do matrimonio exclusivamente entre home e muller e, sobre todo, nunha forte censura do aborto e do divorcio express. No encontro, organizado polo Arcebispado de Madrid, houbo oracións, unha procesión da Virxe da Almudena e até conexión co Vaticano para escoitar ao Papa. |
A cita serviu fundamentalmente para facer duras críticas a Zapatero. As maiores foron as do arzebispo de Valencia, Agustín García-Gasco, quen alertou sobre os ataques que sofre a familia porque "por ese camiño non se respecta a Constitución de 1978 e iso conduce á disolución da democracia". Iso quixeran eles... impoñer a súa "democracia"
Os organizadores da concentración pediran que non se levasen bandeiras mais do mesmo xeito que as bandeiras da España se uniron aos crucifixos, ao final tampouco se puido evitar que a relixión terminase fundíndose coa política. As palabras de García-Gasco non tiveron desperdizo.
"A cultura do laicismo radical é unha fraude, un engano". "Só leva á desesperación polo camiño do aborto, do divorcio express e das ideoloxías que pretenden manipular a educación dos mozos", dixo arremetendo deste xeito contra a asignatura de educación para a cidadanía.
Desesperación? Habería que ver logo quen é o que manipula nas escolas.
O bispo de Bilbao e presidente da Conferencia Episcopal, Ricardo Blázquez, lembrou que a Igrexa non contempla ningunha "familia" que non estea fundada "sobre o matrimonio de home e muller". O arzebispo de Toledo, Antonio Cañizares, encargouse de recalcar que son tempos "non fáciles para a familia" porque "está sendo sacudida nos seus cimentos con lexislacións inicuas e inxustas".
Inxustas para quen?
Por defender os dereitos de xente, perseguida até hai pouco tanto pola sociedade incomprensiva como pola igrexa pouco cristiá e estados opresores, perde acaso dereitos quen xa os tiña?
 |
Nesta liña, o remate correu a cargo da homilía de Antonio María Rouco Varela. O arzebispo de Madrid sinalou: "Entristécenos constatar que o noso ordenamento xurídico deu marcha atrás respecto da Declaración Universal dos Dereitos Humanos das Nacións Unidas, recoñecida e establecida hai xa case 70 anos. A saber: que a familia é o núcleo natural e fundamental da sociedade e ten dereito a ser protexida pola sociedade e o Estado". |
Quen a desprotexe?
Meu Deus... eu fun a un colexio relixioso e desde logo as ensinanzas que recibín non foron esas. Máis caridade cristiá, máis ser un auténtico discípulo de Xesús e menos dedicarse á política, aínda por riba dunha política antisocial e concorde coa máis rancia dereita española.
E se eu levase unha bandeira galega cunha estrela vermella, estaría atentando contra a família?
Amén.
Comentarios () |
|
|
|
|
|
