No ámbito da estratexia de expansión das súas áreas de negocio a nível ibérico, Galp Enerxía asinou contratos de abastecemento de gas natural con dúas unidades do grupo Saint Gobain en España, a SG Vicasa Burgos, e SG Vetrotex, en Alcalá de Henares.

En comunicado, a petroleira portuguesa indica que os contratos asinados supoñen vendas superiores aos 50 millóns de metros cúbicos anuais. Saint Gobain xa era cliente de Galp en Portugal, onde o grupo ten dúas unidades. En España Saint-Gobain ten máis de 24 fábricas, que no seu conxunto representan un consumo superior aos 300 millóns de metros cúbicos, case un 20% do consumo do mercado industrial luso.

Galp Enerxía acadou en agosto de 2007 a licenza de comercialización de gas natural en España. Agora con estes contratos queda activada a entrada do grupo portugués no mercado do gas natural español, a través do segmento industrial, que representa un consumo anual de 15 mil millóns de metros cúbicos, case dez veces máis que o do mercado luso.

No comunicado Galp indica que pretende "pór en práctica o coñecemento adquirido durante dez anos no mercado portugués do gas natural, para situarse relevante, aproveitando as oportunidades de crecemento na España".

Comentarios (0)