Desde a morte de Polanco moito cambiou o diario 'EL PAIS', non polo seu novo formato en papel senón pola inclusión de contidos moi críticos co goberno estatal, e en xeral con outros países onde goberna a esquerda.

Moisés Naím dirixe a revista 'Foreign Policy'. Na portada do último número de 2007, presentábanos unha foto de George Bush con cara de preocupación, e titulaba: "Iraq non é culpa súa , é culpa túa". (culpa aos cidadáns estadounidenses que cada vez piden máis e están dispostos a sacrificar menos).

A revista está subvencionada por Carnegie Endowment for International Peace. Entre as entidades e organismos que fixeron donativos á fundación, e xa que logo á revista, están BP USA, Exxon Mobil, a fundación Ford, General Motors, a fundación Rockefeller e un longo etcétera.

O columnista Moisés Naím dirixe tamén o 'Grupo dos Cincuenta' (G-50) que está composto por un selecto grupo de executivos dalgunhas das máis importantes compañías do sector privado. Ten a súa base central en Washington. Este grupo opera ao amparo do Carnegie Endowment for International Peace.

Moisés Naím forma parte da dirección da fundación National Endowment for Democracy. A NED recibe unha subvención anual do congreso dos Estados Unidos.

Este 'personaxe' era ministro de Industria e Comercio co goberno venezuelano de Carlos Andrés Pérez cando sucedeu 'El Caracazo', unha revolta popular contra as reformas neoliberais do goberno que sumían na pobreza á poboación, que se solventaron producíndose centos de asasinatos de cidadáns por parte dás forzas de orde. A Corte Iberoamericana de Dereitos Humanos declarou responsable destes feitos ao Goberno de Venezuela.

Moisés Naím é responsable, en maior ou menor medida, de asasinatos segundo a citada Corte. Recordemos que Carlos Andrés Pérez segue sendo prófugo da xustiza venezuelana.

Quen impón ao PAIS a contratación de semellante personaxe? Terá que ver algo Aznar? 
Imaxinan a Santiago Carrillo (que non ten nada que agochar salvo a feísima perruca do exilio) como columnista na RAZÓN ou no MUNDO?

Compartir:

Comentarios (2)

1 Un Estando de acordo co que se di no artigo, eu engadiría algo máis: EL PAIS nunca foi un xornal de esquerdas. Cousa distinta é que no panorama de la prensa madrileña, esa que adoitan chamar "prensa nacional", era oúnico que non era de dereitas cando non claramente reaccionario, e ademais é un xornal ben feito (quizais tampouco gañou dende que é "diario global"). Esa é a razón de que tivese tantos lectores de esquerda. Se miramos ademais a súa orientación respecto do Estado español e eso que chaman a configuración territorial, é un diario fondamente españolista. A súa orientación orteguiana está ben presente, e se ben Ortega era un liberal, non deixaba de ser tan españolista como José Antonio Primo de Rivera. 08 de Xaneiro do 2008 - 23:32 2 Alba Se Polanco levantara a cabeza... 15 de Xaneiro do 2008 - 13:57

Escribir comentario

Nome

Comentario

Escribe os carácteres da imaxe

Novo Comentario