ERC e máis o PP empregáronse a fundo nun cruzamento de insultos e descualificacións na Deputación Permanente do Congreso, logo de asegurar o voceiro de ERC, Joan Tardà, que o presidente de honra dos 'populares', Manuel Fraga, está "manchado de sangue" pola súa etapa de ministro do franquismo.

Nun momento da súa intervención, cando facía fincapé en que ANV loitou contra o franquismo, Tardà preguntouse "onde estaba entón Manuel Fraga"??, o agora presidente de honra do PP. "Mentres dure o seu raca-raca durará o meu --soltoulle aos membros do Grupo Popular--. Non terán credibilidade mentres teñan como presidente de honra a Manuel Fraga, manchado de sangue". "Doe, pero vano oír", reiterou ante as airadas protestas dos deputados do PP.

E diría eu que se a non condea da violencia é un motivo para ilegalizar un partido, o PP tería que estar máis que ilegalizado porque a día de hoxe négase a condear o golpe do 36.

O voceiro republicano insistiu asegurando que "é un feito obxectivo" que Fraga "comandaba as forzas represoras franquistas cando cinco traballadores morreron a mans da Policía en 1976" (os sucesos de Vitoria) e que "era ministro cando se asasinou a Julián Grimau".

O voceiro do Grupo Popular, Eduardo Zaplana, pediu a palabra para saír en amparo do seu grupo e cualificou de "desprezables" as expresións de Tardà, de quen dixo que as súas intervencións gozan dun "respecto bastante baixo" na Cámara e ao que brindou "o maior dos desprezos" do PP.

Zaplana afirmou que Fraga tivo unha "importante participación" nos "grandes esforzos" para obter a democracia e para permitir que hoxe ERC poida defender unhas ideas "totalitarias e fascistas". Zaplana esixiu a retirada das descualificacións feitas por Tardà.

O dirixente de ERC reafirmouse nas súas palabras e agregou que ningunha democracia europea permitiría que se concedese a presidencia de honra dun partido a unha persoa que participase "activamente" no goberno dun ditador.

Mais España é a que é, e nas altas esferas do estado - xa con himno imperialista e de letra de máis que dubidosa calidade - seguen a estar os que están.

Máis ou menos afortunado nas súas declaracións, os únicos totalitarios e fascistas que seguen a pulular pola cámara son os Zaplanas, Acebes... and company (xa que lles ghusta tanto o inghés...)

Comentarios (0)

Escribir comentario

Nome

Comentario

Novo Comentario

Compartir: