O consorcio automobilístico francés PSA Peugeot-Citroën realizou unha inversión de 218 millóns de euros na adaptación da súa planta de Vigo para a produción da nova xeración dos modelos Peugeot Partner e Citroën Berlingo, segundo informou o director da instalación, Pierre Ianni, durante a presentación de ambos modelos.

Estes 326 millóns de euros forman parte da inversión total realizada polo grupo PSA no desenvolvemento destes dous modelos, que se elevou a 660 millóns de euros, dos que 334 millóns de euros se dedicaron ás accións de investigación e desenvolvemento.

A compañía automobilística explicou que o potencial industrial destes vehículos, que convivirán durante anos cos seus predecesores e que serán lanzados ao mercado en abril, se eleva a 300.000 unidades ao ano.

A PSA Peugeot-Citroën na Galiza, fabricou 547.000 unidades de todos os seus modelos - os Citroën C4 Picasso, Grand C4 Picasso, Xsara Picasso, e Berlingo e o Peugeot Partner - durante o pasado exercicio, o que supón un aumento do 20% fronte aos datos de 2006.

Por outro lado, o máximo responsable do consorcio PSA, Christian Streiff, resaltou que non existe un plan de baixas non traumáticas como se está a producir en Francia e sinalou que o equipo da factoría de Vigo "pode diminuír" no futuro, aínda que sempre nos níveis máis reducidos posibles.

Comentarios (0)

Escribir comentario

Nome

Comentario

Novo Comentario

Compartir: