| Feijóo e o seu bilingüismo en liberdade |
|
|
| Redacción MundoGaliza | Xoves, 24 de Xaneiro do 2008 | Eleccións | |||
Núñez Feijóo manifestou que "a ninguén se lle pode discutir por ser demócrata", en referencia á proposta lingüística que Rajoy presentou a pasada fin de semana, na que anunciou que garantiría por lei o ensino de español e que, nas Comunidades Autónomas con lingua cooficial, quedarían garantidos "os dereitos preferentes de pais e alumnos para que en todos os cursos e niveis educativos a lingua castelá ofreza como vehicular xunto coa cooficial". "Subscribo que a xente teña dereito a que a lingua materna nos primeiros anos de educación a elixan os pais, sexa castelán ou galego", aseveró Feijóo. Non obstante, emprazou a "esperar a que o programa electoral estea impreso", porque, segundo dixo, non coñece con exactitude a proposta de Rajoy. O líder da oposición reiterou que o seu modelo é o de "bilingüismo en liberdade", segundo o cal a metade das materias deberían impartirse en galego e o resto en castelán porque, na súa opinión, "agora non hai límites". "Se o que se quere é que todas as materias menos unha sexan no galego creo que é un erro, do mesmo modo que sería un erro dicir que todas menos unha sexan en castelán", recalcou.
Compartir:         |
|||
| < Ant. | Seg. > |
|---|
