Julio Padilla, cabeza de lista do PP na circunscrición de Lugo nas eleccións xerais de 2000 e 2004, admitiu onte pola tarde que "non lle alegra a súa exclusión da candidatura ao Congreso" para os comicios de marzo, mais asegura que asume este "punto e aparte" coa satisfacción de deixar unha "pegada notable" na actividade parlamentar. "Paso a páxina sen amargura", declarou.

A exclusión non o pillou por sorpresa, pois xa recibira mensaxes nese sentido desde principios de xaneiro, pero recoñece que tampouco lle agradou: "Non me alegra, porque se non, sería eu quen marchase", comentou.

Ninguén da dirección nacional do PP lle ofrecera máis explicacións, pero polo menos di recibir a calor de moitos compañeiros de escano do Grupo Popular.

En calquera caso, asegura sentirse agradecido "polo privilexio de estar no Parlamento", onde di realizar "un traballo abundante, modestamente fecundo", e deixar "unha pegada notable no Diario de Sesións e na vida parlamentaria".

Comentarios (0)

Escribir comentario

Nome

Comentario

Novo Comentario

Compartir: