|
China xa supera a Estados Unidos en competitividad tecnolóxica |
|
|
|
Redacción MundoGaliza
|
Martes, 29 de Xaneiro do 2008 |
Internacional
|
 |
Un novo estudo do Instituto Tecnolóxico de Georgia sobre a competitividade tecnolóxica suxire que moi pronto China adiantará a Estados Unidos como motor da economía mundial, unha posición que detentaba desde o final da II Guerra Mundial. Por primeira vez no último século, dous países compiten en igualdade de condicións no plano tecnolóxico. |
Os indicadores do estudo predicen que China pasará pronto aos Estados Unidos na habilidade para desenvolver tecnoloxía e ciencia, e convertela en produtos e servizos susceptibles de ser comercializados en todo o mundo.
Aínda que China ten a imaxe de producir cousas de baixo custo, este estudo tamén mostra moi ás claras que o xigante asiático ten aspiracións moito maiores.
“Por primeira vez en case un século, podemos ver liderado en investigación básica e en capacidade económica para obter beneficio desa investigación (para crear e comercializar produtos) en máis dun lugar do noso planeta”, comenta Nils Newman, que é o coautor deste estudo.
Desde a II Guerra Mundial, os Estados Unidos foron os principais condutores da economía mundial. Con todo, vaise a dar xa a situación de que os produtos que consomen os norteamericanos non serían nin ideados nin producidos no seu país.
No ranking de 2007, China superou en puntuación a Estados Unidos (82,8 puntos, fronte a 76,1). Séguenlles Alemaña, con 66,8 e Xapón con 66. O vertixinoso da situación é que tan só hai 11 anos a China só sumaba 22,5 puntos, mentres que Estados Unidos rozaba a perfección con 95,4.
Bush estará moi alporizado... máis aínda? Atreveráse a invadir a China?... a estes ao mellor, e só ao mellor, ténlles medo.
Comentarios () |
|
|
|
|
|
