MundoGaliza - Debate entre Touriño, Feijóo e Quintana

Usuarios Rexistrados (Tamén para o Foro)

Debate entre Touriño, Feijóo e Quintana

Redacción MundoGaliza | Mércores, 30 de Xaneiro do 2008 | Eleccións

O consello de Administración da CRTVG comezou a estudar as posibles datas para a celebración do debate electoral na televisión autonómica entre os líderes de PPdeG, PSdeG e BNG -Alberto Núñez Feijóo, Emilio Pérez Touriño e Anxo Quintana- e unha das posibilidades que cobra maior forza é a do mércores 27 de febreiro.

Fontes do consello de Administración explicaron que a TVG invitara aos líderes a debater o luns 18 de febreiro no marco do programa 'Hai debate!', aínda que se descartou esta posibilidade porque o presidente do PP galego, Alberto Núñez Feijóo, ten previsto visitar Arxentina e Uruguai neses días.

Ademais, os partidos tamén desexan evitar os luns 25 de febreiro e 3 de marzo, xa que eses días terán lugar os debates entre o presidente do PP e o secretario xeral do PSOE, Mariano Rajoy e José Luis Rodríguez Zapatero, ambos os dous candidatos á Presidencia do Goberno.

Así as cousas, a principal data que se barallou na reunión do consello de Administración da CRTVG é a do 27 de febreiro, aínda que está por pechar porque depende da configuración das axendas dos líderes.

Haberá que ver logo se hai debate.

Comentarios (0)

Escribir comentario

< Ant.		Seg. >

[ Atrás ]