O consello da Xunta autorizou o inicio dos trámites para a posta en funcionamento da Agrupación Europea de Cooperación Territorial (AECT) Galiza-Norte de Portugal e o xefe do Executivo galego, Emilio Pérez Touriño, avanzou que agarda que poida estar constituída a principios de abril, aproveitando a reunión prevista da comunidade de traballo que xa teñen ambas rexións.

Tamén subliñou que a vinculación da Galiza e o Norte de Portugal configurará a terceira área peninsular en importancia, cunha poboación que supera os 6 millóns de habitantes e un PIB de 90.000 millóns de euros.

A sede da nova AECT estará en Vigo e o organismo será o encargado de xestionar o plan estratéxico de cooperación 2007-2013 da comunidade de traballo Galiza-Norte de Portugal, dotado con 97 millóns.

Un dos obxectivos do ente será mellorar os instrumentos para a captación de fondos, tanto públicos como privados, co fin de financiar proxectos e servizos de interese común, ademais de permitir a planificación e xestión integral destes.

Comentarios (0)

Escribir comentario

Nome

Comentario

Novo Comentario

Compartir: