Faros de toda España emitirán o seu sinal luminoso e acústico hoxe, día 1 de febreiro, entre as 12 e as 12.30 horas, en sinal de apoio á Torre de Hércules como candidata a formar parte da listaxe da UNESCO de monumentos Patrimonio da Humanidade.

Á iniciativa sumáronse faros de Barcelona, Bilbao, Asturias, Cantabria, Baleares, Canarias, Andalucía, Comunidade Valenciana e Ceuta. Na Galiza participarán faros que dependen das autoridades portuarias de Vigo, Ferrol, Marín-Pontevedra, Vilagarcía e A Coruña.

Os faros emitirán o seu sinal luminoso e acústico -en caso de contar con sistema sonoro- ao mediodía e permanecerán así durante 30 minutos. Os faros das Illas Canarias sumaranse aos do resto da España mais entre as 11 e as 11.30.

O día elixido para esta acción conxunta dos faros coincide coa data límite de envío dos expedientes das candidaturas seleccionadas en todo o mundo para a súa recepción na sé da UNESCO en París.

Comentarios (1)

1 Genaro Diaz Buenas........ Cualquier acción es buena para ayudar para que la Torre de Hercules sea nombrada Patrimonio de la Humanidad. Pongo mi grano de arena con esta web que he hecho con fotos de ella.... http://www.torredeherculespatrimoniodelahumanidad.com Saludos. Xuño 07, 2008

Escribir comentario

Nome

Comentario

Novo Comentario

Compartir: