O número de parados rexistrados na Galiza nas oficinas de Emprego, durante o pasado mes de xaneiro, subiu en 6.180 persoas, un 3,99 por cento, co que a cifra total de desempregados se sitúa en 161.162.

Na Galiza, tralo dato do mes de xaneiro, os desempregados masculinos sitúanse en 61.290 e os femininos en 99.872. Por idades, dos 161.162 parados nesta comunidade, 15.941 teñen menos de 25 anos.

Por sectores, o paro rexistrado subiu en todos en xaneiro. Así aumentou en 136 persoas no agro (até 5.131); na industria, en 392 (24.880); na construción, en 683 (17.608); nos servizos, en 4.939 (90.433); e no colectivo sen emprego anterior, en 30 (23.110).

O paro medrou en todas as provincias galegas en xaneiro, en Pontevedra en 2.504 persoas; na Coruña, en 2.406; en Ourense, en 694; e en Lugo, en 576.

Comentarios (0)

Escribir comentario

Nome

Comentario

Novo Comentario

Compartir: