Máis dun milleiro de mortos en Quenia

Redacción MundoGaliza   |   Martes, 05 de Febreiro do 2008   |   Internacional

Máis de 1.000 persoas mortas e outras 304.000  desprazadas en Quenia por mor dos graves enfrontamentos desencadeados no país, a raíz da crise política iniciada trala contestada reelección do presidente Mwai Kibaki o pasado 27 de decembro, segundo denunciou a Cruz Vermella.   O voceiro da Cruz Vermella, Tony Mwangi, denunciou que "até onte, temos máis de 1.000 persoas (mortas), incluídos os últimos asasinatos en Kisii, Migori e outros lugares durante a fin de semana". A cifra de desprazados -304.000 refuxiados- non inclúe os desprazamentos forzados dos últimos días, polo que probablemente podería aumentar, sinalou Mwangi. A maior parte das mortes -nunha das etapas máis escuras de Quenia desde a súa independencia de Reino Unido hai 44 anos- son produto de asasinatos étnicos e enfrontamentos por razóns políticas contra manifestantes. Así as cousas, Quenia viuse mergullada por sorpresa nunha crise humanitaria interna, malia ser un país habituado a recibir refuxiados dos Estados veciños máis conflictivos, como Somalia, Sudán ou Etiopía. Comentarios (0) Escribir comentario Nome Comentario Novo Comentario Compartir:

 

---

< Ant.		Seg. >