O presidente do PPdeG, Alberto Núñez Feijóo, e o do Partido Social Democrática (PSD) do distrito do Porto, Marco Antonio Costa, asinaron en Vigo un acordo para crear un grupo de traballo permanente sobre a eurorregión co obxectivo de impulsar un "diálogo continuo" entre Galiza e o Norte de Portugal fronte ao "triplo fracaso" das políticas socialistas de cooperación transfronteiriza.

Lamentou a "paralización" da conexión por AVE entre Vigo e Porto que, segundo recordou, se anunciara para 2009. Por iso, criticou que "aínda non se aprobara nin o trazado" e o "cambio de prioridades" xa que se favorecerá a conexión con Portugal polo sur da Península Ibérica.

Pola súa banda, Marco Antonio Costa subliñou algunhas das políticas nas que ambos os dous países deben colaborar, entre elas, as políticas sociais, laborais, fiscalidade, educación, seguridade, turismo ou infraestruturas. Segundo o voceiro do PSD, "non hai que deixar que esquezan os compromisos cos habitantes da eurorregión".

Costa propuxo a creación dunha axencia social que "acompañe á mobilidade dos traballadores" e mostrou a súa preocupación pola "situación dramática" que se viviría en Portugal se os 100.000 traballadores lusos que hai na Galiza decidisen volver ao seu país de orixe ante a crise inmobiliaria de España.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario