Berlusconi, o home máis rico de Italia, volverá por terceira vez a ser primeiro ministro, segundo as sondaxes realizadas trala convocatoria de eleccións, logo da demisión do Goberno de centro esquerda de Romano Prodi.

O regreso foi nun acto electoral deseñado por unha das organizacións de base que apoian ao seu novo partido, o Círculo da Liberdade. Os asistentes vitorearon ao candidato da dereita italiana con aplausos e berros de "Por sorte, queda Silvio".

Xa durante o seu discurso, Berlusconi acusou ao Goberno de centro-esquerda de fracasar en todos os ámbitos, desde os impostos ao deterioro da imaxe do país no estranxeiro.

"Impuxeron as súas crenzas: o marxismo ortodoxo. Utilizaron os impostos para atacar á clase media. As súas medidas están condicionadas ideolóxicamente, como a apertura das fronteiras aos estranxeiros", asegurou.

A alguén lle sona o efecto chamada? E a crise económica artellada pola mala xestión do goberno?

Falamos de Zapatero ou de Prodi?

Fala Mariano ou fala Silvio?

Por que os que levan a bandeira e o nome da liberdade nos beizos son sempre os mesmos? ... Tan igualiños...