O coordinador da Executiva do BNG e cabeza de lista para o Congreso pola Coruña, Francisco Jorquera, anunciou que "unha das condicións" que imporá o BNG ao PSOE, se é necesario o seu voto para formar goberno, é que os emigrantes poidan votar en urna nas próximas eleccións autonómicas, en 2009.

Ao respecto, tamén engadiu que a formación frentista avala a proposta do PSOE de crear unha circunscrición electoral única para a emigración, aínda que "hai outras medidas máis sinxelas e máis urxentes", como o voto en urna, que garanta "o voto segredo e libre". "Hai que abordar a reforma, e facelo xa", aseverou.

Explicou que a súa postura con respecto aos descendentes de emigrantes españois é que "non voten" até o seu regreso a España. Así, contrapuxo que non sería "lóxico" que voten en eleccións locais persoas que nunca residiron en España e non poida votar un residente por non ter unha nacionalidade comunitaria.

Francisco Jorquera tamén aludiu ao adianto das eleccións autonómicas na Galiza e advertiu de que sería "un erro". "Sería recoñecer que o bipartito o está a facer mal", considerou.

Comentarios (0)

Escribir comentario

Nome

Comentario

Novo Comentario

Compartir: