O PP acometerá unha reforma lexislativa, se gaña as eleccións, para converter en responsables penais aos delincuentes de entre 12 e 14 anos. Este cambio aplicaríase en casos de delictos de gravidade ou de reincidencia, segundo anunciou onte Mariano Rajoy. Na actualidade, os adolescentes desas idades non teñen responsabilidade penal algunha, sexa cal for a acción cometida.

Esta exención de responsabilidade foi incluída na Lei de Responsabilidade do Menor aprobada no ano 2000, cando gobernaba o PP e xusto antes de que o propio Mariano Rajoy deixase o Ministerio de Educación e Cultura para facerse cargo do de Interior. Esa mesma lei elevou a idade penal de 16 a 18 anos, o que supuña que ningún menor desa idade podía ser encarcerado.

O propio PP votou contra o endurecemento da lei aprobado polo Congreso o 23 de novembro de 2006, que, ademais de elevar os anos de internamento, eliminou a posibilidade de aplicar o réxime de menores aos mozos de entre 18 e 21 anos.

Segundo os cambios legais que recolle o programa electoral do partido popular, aos delincuentes de 12 a 14 anos que incorran en delictos de gravidade e en reiteración aplicaráselles a Lei do Menor e serán recluídos en centros de internamento, como ocorre agora cos condeados de entre 14 e 18 anos.

Comentarios (0)

Escribir comentario

Nome

Comentario

Novo Comentario

Compartir: