Galiza recoñece que a súa participación con "cultura invitada de honra" na Feira do Libro da Habana significa unha oportunidade de estreitar os lazos históricos existentes con Cuba e a emigración galega na illa e, ao mesmo tempo, abrirse ao mundo e mostrar a "viveza" da súa cultura.

Entre o público, xunto a centenares de convidados, unha das prazas da Fortaleza San Carlos de La Cabaña congregou ás principais autoridades da illa, encabezada polo irmán do comandante Fidel Castro e o ministro de Cultura cubano, Abel Prieto.

Á hora dos discursos, os primeiros en tomar a palabra foron o escritor Antón Arrufat e a poetisa Graziella Pogolotti, premios nacionais de Literatura en Cuba e autores homenaxeados na 17 Feira Internacional do Libro. 

Até o 24 de febreiro sucederanse encontros de editores, escritores, presentacións de libros e actos complementarios de música, mais entre marzo e abril levará diversas actividades a outras 41 sedes repartidas en distintos puntos da illa.

En nome das autoridades, o presidente do Instituto Cubano do Libro, Iroel Sánchez, resaltou que foi Fidel Castro o "impulsor" da Feira do Libro e, tras apuntar que o carácter do evento non é meramente comercial, aproveitou para agradecer o "entusiasmo" da Galiza, que participa cunha "ampla" delegación e uns "fermosos" pavillóns.

Comentarios (0)

Escribir comentario

Nome

Comentario

Novo Comentario

Compartir: