O Índice de Prezos de Consumo (IPC) baixou un 0,9 por cento na Galiza en xaneiro, respecto ao mes anterior, debido ao inicio das rebaixas de inverno, mais a inflación interanual subiu ao 4,4 por cento, unha décima máis que a media.

No conxunto de España os prezos descenderon un 0,6 por cento o pasado mes e o IPC acumulado no último ano sitúase no 4,3 por cento, segundo os datos feitos públicos polo Instituto Nacional de Estatística (INE).

Na Galiza a maior caída dos prezos en xaneiro produciuse no vestido e calzado (-12,8 por cento), polo período de rebaixas, e tamén descenderon os do ocio e a cultura (-1,3 por cento). Os prezos do transporte mantivéronse estables o mes pasado.

Pola contra o IPC subiu nas vivendas (+1,8 por cento), nas bebidas alcohólicas e tabaco (+1,7 por cento), na menciña (+0,9 por cento), nos hoteis, cafés e restaurantes (+0,9 por cento) e o capítulo doutros (tamén un +0,9 por cento).

Igualmente os prezos aumentaron nos alimentos e bebidas non alcohólicas (+0,7 por cento), o ensino (+0,6 por cento), as comunicacións (+0,4 por cento) e o enxoval (+0,3 por cento).

Por provincias, a inflación baixou en todas as galegas. Sobre todo baixou na provincia de Lugo (-1,2 por cento), seguida pola de Pontevedra (-1 por cento), a da Coruña (-0,9 por cento) e a de Ourense (-0,4 por cento).

Comentarios (0)

Escribir comentario

Nome

Comentario

Novo Comentario

Compartir: