O voceiro do Bloque Nacionalista Galego (BNG) no Congreso na recén rematada lexislatura, Francisco Rodríguez, considera que o apoio da maior parte da Unión Europea á independencia de Kosovo puxo de manifesto as "contradicións" da política comunitaria en canto á secesión, xa que, mentres a avala para a provincia serbia, a nega para outros territorios intracomunitarios.

"É certo que hai unha contradición na política da Unión, que defende fronteiras inamovibles na Europa comunitaria e fronteiras a capricho dos intereses de estranxeiros e do sentimento nacional nos casos que beneficia ás súas propias estratexias económicas e políticas e ás de Estados Unidos", explicou.

"Aínda respectando o dereito do pobo kosovar á independencia", Rodríguez admitiu que este é un caso "moi problemático" porque grande parte do territorio que se vai independendizar pertence/pertenceu a Serbia e moitos dos seus habitantes son serbios.

A "solución dunha imposición unilateral" da independencia apoiada pola Unión Europea e Estados Unidos está "chea de intereses que non son precisamente os do pobo kosovar".

"Calquera proceso de autodeterminación é lexítimo en calquera parte de Europa", concluíu.

Comentarios (0)

Escribir comentario

Nome

Comentario

Novo Comentario

Compartir: