 |
Neste pasado venres dia 15, os vecinos de Portas, agrupados na coordinadora PORTAS NON PODE PERDE-LO TREN, realizaron una acción de protesta , na estación do Ferrocarril da Coruña.
A protesta consistiu nunha concentración na Estación e facer o pagamento do boleto até Portas en céntimos.
|
Esta coordinadora constituiuse para defender os Camiños de Ferro que usa o povo. Ese que se desplaza de un lugar a outro do territorio en traxectos curtos e que fomenta a riqueza da nosa dispersión territorial. Ese povo que protagonizou a nosa peculiar maneira de espallarnos polo medio ocupándoo todo , para explotalo de xeito sustentable desde o neolítico.
A construción do AVE xa comeza a mostrar tanto a cara como a cruz. Para alén do grande impacto ambiental que representa a sua construción, vai condicionar, xunto coas autoestradas a despovoación masiva do territorio como antes nunca se tivera feito, e a concentración da povoación nas vilas e, sobre todo, nas cidades.
Parece ser que o Ministerio de Fomento, ten previsto eliminar todos os trens de cercanias, e os de proximidade, chamados Tren Rexional, a partir da posta en marcha do AVE. Esto está a comezar xa a confirmarse, na zona da liña de Vigo - Á Coruña. Naqueles treitos que o trazado do AVE coincida co de Tren Rexional este será suplantado polo AVE.
Os plenos dos concellos afectados, na liña entre Compostela e Pontevedra, manifestáronse claramente en defensa do mantimento da liña Santiago Vilagarcia, e tamén en favor dos trens de cercanias. Como, en lugar de fomentar este medio de comunicación, vaise levantar a via férrea entre Compostela e Vilagarcia , neste primeiro semestre do ano, cando o AVE entre en funcionamento. Tamén ficará suprimida a estación de Portas como está na actualidade.
Desde ADEGA apoiamos o movemento veciñal en favor do Camiño de Ferro de cercanias e de Proximidade. No mesmo dia en que a Plataforma “Portas non quere perde-lo tren”, ADEGA- Pontevedra organizaba unha conferencia acerca do futuro do Tren En Galiza a cargo do enxeñeiro Xosé Carlos Fernandez, experto na materia. Tamén , algunhas compañeiras/os de ADEGA das delegacións da zona , acercáronse á Estación da Coruña , para expresar á sua solidariedade coa Plataforma.
O "Plan Estratégico de Infraestructras e Transportes de España" prevé , para o 2020, unha reducción de 30 millons de Tm de CO2 para as emisións difusas debidas ao transporte.
Non se entende como non se encara xa , dunha maneira clara e pragmática ,a electrificación do tren na Galiza , como medio de transporte ecolóxico e sostible e seguro.
No dia da grande manifestación de Compostela, de Galiza Non se Vende, en que 10.000 galegas e galegos reclamaron unha política de sostibilidade real aos seus representantes no Parlamento, os camiños de ferro galegos non pode ficar fora das reinvidicacións.
Queremos que a nosa Costa manteña á sua vitalidade que lle pode roubar un desgrazado Plano Acuícola Queremos que o noso Territorio manteña á sua estructura.. E queremos podermos desplazar polo noso País de povo en povo, e non apenas entre as cidades ubicadas nas extremas do Camiño.
Comentarios () |
|
|
|
|
|
