A Televisión de Galiza presentou en Lisboa a serie documental 'Terras de Acolá' e aproveitou a oportunidade para poñer en marcha un convenio de colaboración coa Radio Televisión Portuguesa (RTP), que permitirá o intercambio de fondos de arquivo e a coprodución de documentais.

O director xeral da Compañía da Radio Televisión de Galicia (CRTVG), Benigno Sánchez, aproveitou a presentación e a presenza do director de programación da RTP, Xosé Pedroso, para anunciar que as dúas televisións públicas iniciaron as conversas para intensificar a súa colaboración.

Xosé Pedroso indicou que nestes momentos "se dan as condicións para desenvolver proxectos conxuntos". Na súa opinión, "compartir contidos é un camiño importante para as dúas televisións", polo que confiou en que dea "moitos froitos no futuro". "Imos poñernos a traballar niso rapidamente", dixo.

A Sala dos Espellos, do Instituto da Comunicación, no Pazo Foz de Lisboa, foi o lugar elixido para presentar a serie documental 'Terras de Acolá', realizado por Luis Menéndez e producido pola TVG e a produtora Faro de Vigo, que trata sobre os países de fala portuguesa, é dicir, Cabo Verde, Guinea Bissau, Santo Tomé e Príncipe, Angola, Mozambique, Timor Oriental, Brasil e o propio Portugal. Ou de fala galega, e ademais así poderiamos incluir no saco a Galiza. Que teima en quere excluir a galiza da lusofonía!

Nos documentais inténtase "mergullar na historia, a lingua, os costumes, o folclore, as tradicións, as xentes, as anécdotas, deses pobos", indicou o realizador, que matizou que "ten un espírito divulgativo, está dirixido a todos os públicos, cun carácter ameno, con situacións e anécdotas divertidas, propias dun programa de viaxes", aínda que, iso si acompañado dunha "investigación rigorosa".

Ao acto asistiron representantes diplomáticos de moitos dos países que integran a Comunidade de Países de Lingua Portuguesa (CPLP) e o secretario executivo desa organización, Luis Fonseca.

Benigno Sánchez, xustificou a realización e este traballo afirmando que "hai uns lazos moi firmes entre Galiza e a lusofonía" porque, ademais dos "lazos históricos, culturais e lingüísticos, nos integramos con naturalidade". "Sentímonos como na casa", de feito, dixo, "nacemos no mesmo berce, co mesmo madeiro lingüístico". Menos mal, xa pensei que para a TVG eramos da grande e máis antiga nación... española"

O director de programación da RTP avanzou que a serie documental será programada en marzo na RTP1, na RTP África e na RTP internacional.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario