|
Rajoy ten cinco vivendas sen hipoteca |
|
|
|
Redacción MundoGaliza
|
Xoves, 21 de Febreiro do 2008 |
Galiza
|
 |
“Rajoy ten casas por toda España”, afirmou 'El Economista', diario económico afín ao Partido Popular e que está liderado por Alfonso de Salas, un dos fundadores do diario 'El Mundo'. |
O candidato á presidencia do Partido Popular, Mariano Rajoy, confesou no programa de TVE 'Tengo una pregunta para usted' que o seu soldo mensal non excedía dos 8.000 euros. O pasado luns en Telecinco, Rajoy engadiu outro interesante dato sobre a súa economía familiar, asegurou non ter ningunha hipoteca que pagar. Mariano Rajoy esqueceu sinalar que é propietario de 5 casas.
O lider do partido 'dos currantes', ten moitos lugares onde ir vivir. Mariano Rajoy ten propiedades en Sanxenxo, Pontevedra, Madrid, Aravaca e As Palmas de Gran Canaria.
Mariano Rajoy é propietario dunha vivenda de 97 metros cadrados sita na avenida principal de Sanxenxo.
Desde 1988 tamén posúe un piso de 109 metros cadrados e máis unha praza de garaxe nunha das zonas máis selectas de Pontevedra, lugar onde Rajoy empezou a súa fructífera carreira política.
Son poucos os cidadáns que, como Mariano Rajoy, teñen a fortuna de posuír unha vivenda a poucos minutos do 'Paseo de la Castellana' Madrileña. O atractivo desta vivenda é o local de tres andares destinado a zona deportiva que comparten os veciños, todos eles moi currantes.
O candidato á presidencia do Goberno polo Partido Popular tamén posúe varias prazas de garaxe e un máis un luxoso piso de 279 metros cadrados en Aravaca, unha das vilas máis ricas da Comunidade de Madrid.
Ademais, Mariano Rajoy pode veranear xunto á súa muller nun bungalow que a parella posúe en Mogán, municipio das Palmas de Gran Canaria.
Non é que sexa moito, mais o que se di "currante", "currante" (entre comiñas... Quen ía dicir que te ías expresar nestes termos tan... digamos... "barriobaixeros") ti non pareces, non si?
Comentarios () |
|
|
|
|
|
