A cidade de Vigo acollerá o fin de semana do 18 ao 20 de abril o XXII Encontro galego-portugués de Educadores pola Paz, coincidindo co 25 aniversario de Educadores pola Paz, o primeiro grupo destas características da Galiza e o máis veterano en Portugal.

Máis en concreto, os libros que se presentarán son os dous primeiros da triloxía 'Educación e Paz', e neles participaron distintos autores de diferentes lugares e disciplinas, como Xesús Jares, Gregorio Peces-Barba, François Houtart e Juan José Tamayo, entre outros.

O acto está organizado por Educadores pola Paz-Nova Escola Galega, o departamento de Pedagoxía e Didáctica da Universidade da Coruña, o Movimento dos Educadores para a Paz de Portugal e a Asociación Galego-Portuguesa de Educación para a Paz.

En canto ao debate do día 19, este centrarase na 'Educación para a cidadanía e os dereitos humanos', e nel participarán o director do Colexio de Altos Estudos Europeos Miguel Servet de París, José Vidal Beneyto; e o director da Cátedra de Teoloxía e Ciencias das Relixións Ignacio Ellacuría da Universidad Carlos III de Madrid, Juan José Tamayo; entre outros.

Ao día seguinte visitarase o Museo do Mar e o museo do Pazo Quiñones de León, así como os xardíns de Castrelos, onde se fará a tradicional liberación da pomba da paz e a clausura do encontro.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario