MundoGaliza - Portugal en 'Xantar'

Usuarios Rexistrados (Tamén para o Foro)

Portugal en 'Xantar'

Currently 0.0/5 Stars.
1
2
3
4
5

Cualificación: 0.0/5 ( votos totais)

Redacción MundoGaliza | Xoves, 28 de Febreiro do 2008 | Portugal

Portugal será o país invitado a IX edición do Salón Galego de Gastronomía e Turismo 'Xantar', que terá lugar a próxima semana -do 5 ao 9 de marzo-, no Salón de Feiras e exposicións Expourense, na cidade das Burgas.

O director xerente de Expourense, Alejandro Rubín, manifestou que na presente edición invitan a Portugal por "unha cuestión emocional", xa que "sempre estivo con Galiza" e porque é o país que "máis turistas envía a Galiza e os que veñen son os que máis consumen na Galiza".

Alejandro Rubín resaltou que dos "milleiros de persoas que pasan por Expourense", nesta feira, "entre o 10 e o 15 por cento dos visitantes son de Portugal".

Indicou que nesta novena edición se "seguirán potenciando os valores da Galiza" e se "reforzarán" os produtos autóctonos "traballando coa cata de queixos, pans de todo tipo ou xamón" e "moitas cousas relacionadas co traballo da hostalaría con produtos nosos".

O xerente de Expourense destacou que "tódalas bisbarras da provincia de Ourense" estarán representadas no salón Galego de Gastronomía e Turismo e que, ademais, haberá produtos da cociña galega, de varias comunidades autónomas do territorio estatal e de Portugal.

O tenente de Alcalde do Concello de Ourense, Alexandre Sánchez Vidal, indicou que 'Xantar' e 'Termatalia' -certame de termalismo que se celebra anualmente en Expourense- son "o mellor escaparate" do interior da Galiza para a súa promoción exterior.

Comentarios (0)

Escribir comentario

< Ant.		Seg. >

[ Atrás ]