O presentador de "La Mañana de la COPE", Federico Jiménez Losantos, parece ser xa amigo da xustiza, que unha vez máis o condea cunha multa de 3000 euros, logo de protagonizar unha campaña de desprestixio na contra do maxistrado e xornalista Carlos Fanlo e non terse presentado a un xuízo no que estaba acusado de inxurias e calumnias.

Federico Jiménez Losantos deberá pagar 3.000 euros á familia de Carlos Fanlo, xa falecido, por terlle chamado terrorista no seu libro "De la Noche a la Mañana".

Fanlo escribiu no diario 20 Minutos, no ano 2005, un artigo no que acusaba ao locutor da COPE de non ter sentimentos e carecer de corazón por atacar a víctimas do terrorismo como Pilar Manjón. Desde entón, a campaña de desprestixio que se fixo contra el e máis a súa filla menor, que incluso recibiu ameazas de morte, polo que chegaron a precisar de escoltas, non cesou.

La familia iniciou unha serie de trámites que levaron á celebración dun xuízo a principios deste mes, no que se pedía ao locutor que non volvera falar do xa falecido xuíz.

O Ministerio Fiscal considerou que era oportuna a petición dunha indemnización polos danos morais causados. Nembargantes, a cantidade fixada na sentenza non deixa de ser unha indemnización solidaria, a pagar polas tres partes acusadas: Federico Jiménez Losantos, La Esfera de los Libros y la cadena COPE.

Tanto a defensa como a acusación recorrerán a sentenza, ao considerala excesiva e insuficiente, respectivamente.

Tres mil euros pouca cousa son para esta xente, mais o feito de que exista unha condea na súa contra fai crer na xustiza. Destinarán unha vez máis os cartos á promoción do catalán? ou financiarán á prensa crítica?

Comentarios (0)

Escribir comentario

Nome

Comentario

Novo Comentario

Compartir: