O presidente do PPdeG, Alberto Núñez Feijóo, prognosticou que esta formación política obterá a "maioría absoluta" nas vindeiras eleccións autonómicas e volverá ao Executivo despois dunha lexislatura "na que non deixaron gobernar ao PP a pesar de que gañara" os comicios galegos.

Nun mitin en Verín xunto co presidente do PP en Ourense, José Luis Baltar, así como con candidatos ao Congreso e ao Senado, Núñez Feijóo puxo como exemplo precisamente este municipio ourensán do que acontecerá na Galiza dentro de ano e medio. "Non vos deixaron gobernar e en catro anos conseguistes maioría absoluta", afirmou.

Por outro lado, reivindicou a "confianza" que o Partido Popular lle deu ao PPdeG para as eleccións xerais xa que, segundo lembrou, o propio Feijóo foi o encargado de elaborar o programa electoral en materia de infraestruturas para toda España e, ao respecto, garantiu que Galiza será protagonista nesta área se o PP gaña o 9-M.

O líder da oposición na Galiza tamén arremeteu contra o voceiro nacional do BNG, Anxo Quintana, pola súa xestión en materia de transferencias e o acusou de ser "o político máis nefasto para o autogoberno de Galicia".

Así mesmo, lamentou que o discurso de Quintana "sexa dunha soa frase". "Di todo o tempo que votemos en galego; non imos votar en chinés ou en árabe. Todo o tempo fala de Madrid, polo que estou a pensar se será Di Stefano", sinalou. De igual xeito, arremeteu contra o discurso do presidente da Xunta, "que é a tradución do que di Zapatero ao idioma de Touriño, que é o galego castrapo".

Tamén criticou aos cabezas de lista do PSOE nas provincias galegas, como no caso do 'número un' por Lugo, José Blanco, a quen cualificou como un "dos grandes políticos europeos, o sucesor de Winston Churchill" ou á cabeza de cartel por Ourense, Elena Espinosa, a quen se referiu como "Elena Espenosa".

O presidente do PP en Ourense, José Luis Baltar, acusou ao BNG de "non ser galeguista" e tildou ao vicepresidente da Xunta, Anxo Quintana, de "patriota de pacotilla". Ademais, criticou a política exterior do Goberno socialista e afirmou que "co Partido Popular xogabamos a Copa de Europa e co PSOE xogamos pachangas con Chávez". "Son uns mangantes sen pudor que rematan a lexislatura demostrando que non teñen talento", dixo.

Máis e máis insultos e máis e máis descualificacións. Que creto ten un papagaio que repete a voz do seu amo, que a súa vez é unha marioneta en mans de...? de quen?

Comentarios (0)

Escribir comentario

Nome

Comentario

Novo Comentario

Compartir: