A televisión pública galega, TVG, emitirá a partir de hoxe a serie documental 'Terras de Acolá' que, en trece capítulos, analizará as relacións galaico-portuguesas nos países de fala lusófona como son, ademais do propio Portugal, Brasil, Santo Tomé e Príncipe, Mozambique, Guinea Bissau, Angola, Cabo Verde e Timor Oriental.

Os trece capítulos, de 26 minutos de duración cada un, tratan de ser un achegamento dende Galiza aos países de fala portuguesa, segundo explicou en rolda de prensa en Vigo, o director de 'Terras de Acolá', Luis Menéndez, quen destacou o grande traballo de "introspección" en cada un dos países visitados, nos que se estivo unha media de entre 15 e 20 días, así como nas relacións entre a comunidade galega e estes territorios.

Menéndez incidiu no carácter "internacional" da lingua galega, que permitiu a comunicación en cada unha das zonas visitadas, un aspecto que tamén recalcou a conselleira de Cultura, Ánxela Bugallo, quen recalcou que os territorios onde se fala a lingua lusa e Galiza "están unidos por algo impagable como é o feito de poder entenderse".

Así, Bugallo referiuse ao "enorme parentesco" entre as dúas culturas, ao tempo que explicou que a serie documental ofrecerá a posibilidade de "coñecer o mundo da lusofonía" do que, segundo destacou, a comunidade "tamén forma parte".

Segundo o director da TVG, Suso Iglesias, a serie, que se emitirá cada sábado a partir das 16.00 horas, tamén se difundirá a través da televisión pública portuguesa, que decidiou programala en horario de máxima audiencia, no denominado 'prime-time'.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario