MundoGaliza - Mal resultado para o BNG

Usuarios Rexistrados (Tamén para o Foro)

Mal resultado para o BNG

Redacción MundoGaliza | Luns, 03 de Marzo do 2008 | Eleccións

As enquisas prevén para as eleccións do 9 de marzo un aumento na intención de voto dos tres partidos maioritarios da comunidade, cunha suba de case tres puntos no caso de PP e PSOE e de tan só oito décimas no caso do BNG.

Un estudo demoscópico de Anova multiconsulting para 'El Correo Gallego', sitúa ao PSOE como o partido que rexistraría unha suba máis acusada en intención de voto -2,9 puntos-, ao pasar dunha estimación en 2004 do 26,5% a un 29,4%; seguido do PP que pasaría dun 33,6% dos votos hai 4 anos a un 36% -2,4 puntos máis- e, por último, o BNG, que se situaría no 8,9% tras subir 8 décimas dende o 8,1% que se estimou nos anteriores comicios.

No relativo á repartición de escanos, os votantes galegos repartirán nesta ocasión un total de 23, fronte aos 24 que elixiron nos anteriores comicios, por diminución poboacional, A Coruña perde un deputado pasando de 9 representantes a 8.

A enquisa calcula que os votantes outorgarán na Galiza 12 escanos ao Partido Popular e 2 ao BNG, polo que manterían os mesmos que hai catro anos, mentres que o PSOE perdería un, pasando de 10 deputados en 2004 a 9.

A enquisa realizada por Ipsos para 'Faro de Vigo', outorga unha vitoria maioritaria ao PSOE, ao que atribúe entre 11 e 12 escanos, mentres que resta dous ao PP, que quedaría con 10, e rexistra entre 1 e 2 deputados para o BNG.

O inquérito de Sondaxe para 'La Voz de Galicia', outorga unha vitoria ao PP, ao que atribúe 11 escanos (perdería un), mentres que o PSOE e o BNG manteñen os 10 e 2 deputados respectivamente.

Comentarios (0)

Escribir comentario

< Ant.		Seg. >

[ Atrás ]