O presidente do PPdeG, Alberto Núñez Feijóo, lamentou a "singladura de Galicia" durante os 18 anos nos que gobernou o PSOE, ao que culpou de que esta comunidade sexa "líder nas pensións e os salarios máis baixos de toda España", así como "en menos quilómetros de AVE e en maiores prezos da vivenda". Por iso, galeguizou á "nena de Rajoy" e rexeitou este "liderado" da comunidade autónoma dentro dunha España que, na súa opinión, está "a punto de afundir". (...Se gaña Rajoy)

"Todo isto díxomo a nena de Rajoy; probablemente sexa galega", bromeou Núñez Feijóo nun mitin na Coruña ante uns 1.600 asistentes no que estivo acompañado pola presidenta da Comunidade de Madrid, Esperanza Aguirre, e por integrantes das candidaturas do PP ao Congreso e ao Senado.

Pobre nena, grazas a vós tería menos oportunidades de traballo e salario por ser muller, veríase privada de estudar na súa lingua, seguramente a casariades noviña e a encheriades de fillos.

O líder dos populares galegos negou que o país estea na "champions league", como afirmou o presidente do Goberno, José Luis Rodríguez Zapatero e, aplicando o mesmo símil futbolístico, opinou que a España "eliminárona na primeira volta" e, por ese motivo, "hai que cambiar de adestrador". "Non hai outra solución", subliñou.

E vós, contratade a Lotina, que volo cedemos con encanto e esmero, mellorariades moito.

En clave autonómica, tamén se referiu aos "anexos" do "libro branco" de Zapatero referentes á Galiza e concretou, por exemplo, que os prezos "se dispararon" nos últimos meses nesta comunidade ou que as familias galegas "necesitan 600 euros máis" ao mes para facer a compra.

Segundo Fraga, excusan de comprar papel hixiénico tendo o libro branco.

Tamén cargou contra o voceiro nacional do BNG, Anxo Quintana, quen asegura nun lema de campaña que "o seu amor é Galiza". "Mira que Galicia lle pon os cornos porque é o dirixente menos votado", dixo e engadiu que o "único amor do PPdeG é Galicia e España". Apostou por unha educación baseada na paz lingüística na que todos poidan falar "no idioma que lles dea a gana e non no que diga o Touriño ou o Quintana".  Ou sexa o español.

Aproveitando a presenza de Aguirre na Coruña, Núñez Feijóo comparou a situación na comunidade galega e na madrileña e, a xeito de exemplo, afirmou que, mentres "Madrid é a cidade máis aberta (será pola Porta de Alcalá?) de Europa, en Galicia hai unha lea por saber onde poñen uns españois de raza xitana", en referencia á controversia entre o alcalde de Pontevedra e o de Poio sobre os veciños desaloxados do Vao.

Está seguro do que hai en Madrid???

Comentarios (0)

Escribir comentario

Nome

Comentario

Novo Comentario

Compartir: