O PP necesitaría menos de 25.000 votos procedentes de emigrantes pontevedreses para arrebatarlle ao BNG o seu escano pola provincia, a única na que existe unha posibilidade de que varíe a repartición de deputados na Galiza coa inclusión dos votos procedentes dos residentes ausentes.

Nada cambiará se se repiten entre os emigrantes os resultados de hai catro anos, cando o PP acadou en Pontevedra 17.327 apoios, polo que para lograr o escano que corresponde até o momento á nacionalista Olaia Fernández Davila terían que chegar outros 7.000 máis e que o BNG non subise os 987 votos que tivo hai catro anos.

"Aínda que a participación fose maior, é practicamente imposible que se produza", destacou o secretario de Organización do BNG, Alberte Ansede, que mesmo considerou que é probable que se invirtan os resultados alcanzados por populares e socialistas en 2004, xa que o voto emigrante adoita avalar maioritariamente o partido que está no Goberno.

Fontes populares coincidiron en que o voto procedente do Censo Electoral de Residentes Ausentes non cren que cambiará a repartición de deputados, aínda que consideraron que contribuirá a elevar a porcentaxe de voto do PP máis alá do 45 por cento.

Compartir:

Comentarios (2)

1 eu rajoy q desonra q sexas galego, dasm noxo!!!! 14 de Marzo do 2008 - 19:54 2 FAES Y DE LAS JONS É galego porque lle coincidiu, nada máis. Podería ser perfectamente de peñafiel ou de Murcia onde hai monolingüismo armónico jejeje 16 de Marzo do 2008 - 09:39

Escribir comentario

Nome

Comentario

Escribe os carácteres da imaxe

Novo Comentario