MundoGaliza - Homenaxe a mulleres destacadas do Século XX

Usuarios Rexistrados (Tamén para o Foro)

Homenaxe a mulleres destacadas do Século XX

Currently 5.0/5 Stars.
1
2
3
4
5

Cualificación: 5.0/5 (1 votos totais)

Redacción MundoGaliza | Martes, 11 de Marzo do 2008 | A Coruña

O alcalde da Coruña, Javier Losada, presidiu o acto de plantación de oito árbores en homenaxe a mulleres destacadas do Século XX. O parque de San Diego da cidade herculina acolleu esta celebración que se engloba dentro das actividades organizadas polos centros cívicos para conmemorar o Día Internacional da Muller.

As oito árbores destacan a Marguerite Duras (Vietnam, 1914-1996), escritora, novelista e directora de cinema francés, activista, colaborou coa resistencia francesa na ocupación nazi; Pilar Miró (Madrid, 1949-1997), directora, realizadora e guionista de cinema e directora Xeral de RTVE; e Diane Fossey (San Francisco 1932-Ruanda 1985), zoóloga estadounidense recoñecida polo seu labor científico e conservacionista cos gorilas en Ruanda e o Congo. O seu traballo contribuíu á recuperación da poboación de gorilas, loitou contra os cazadores furtivos. A súa vida levouse ao cinema coa película 'Gorilas na Néboa', baseada no seu libro.

A homenaxe incluíu ademais figuras como Marie Curie (Polonia, 1867-1934), científica francesa pioneira no campo da radioactividade, primeira persoa en conseguir dous premios Nobel e primeira muller en ser profesora na Universidade de París. Descubriu o polonio e o radio, apoiada polo seu marido; Benazir Bhutto (1953-2007), dirixente política paquistaní, a primeira muller que ocupou o cargo de primeiro ministro nun país musulmán. Optaba á presidencia e foi asasinada en decembro de 2007 en Paquistán; ou Indira Gandhi (India, 1917-1984), considerada unha das mulleres mais relevantes do Século XIX e a primeira muller en dirixir un goberno na India. Loitou toda a súa vida por conseguir a modernización social e económica do seu país ao participar activamente para obter a liberdade deste e dotalo dunha política independente dos bloques.

Finalmente, o Concello da Coruña plantou outras dúas árbores no Parque de San Diego en homenaxe a Marguerite Yourcenar (Bélxica, 1903-, EEUU 1987), poetisa, novelista, autora de teatro e tradutora francesa; e a Ernestina Otero Sestelo (Redondela, 1890), destacada mestra, intelectual, práctica e profesional que exerceu na Rexencia, a República, a Guerra Civil e a posguerra.

Comentarios (0)

Escribir comentario

< Ant.		Seg. >

[ Atrás ]