Os galegos consumen no fogar 54,9 quilos de pan por persoa e ano, polo que se sitúan por enriba da media estatal, de 43 quilos, segundo o datos de consumo alimentario en España que reflicten un descenso no consumo de pan.

Uns 8.500 establecementos da Galiza comezaron a exhibir esta semana o distintivo da campaña 'Pan cada día' co obxectivo de frear e inverter a tendencia de descenso no seu consumo das últimas décadas informando da importancia do pan nunha dieta "sa e equilibrada".

A campaña, promovida polo sector do pan, quere reivindicar os beneficios para a saúde. A dieta caracterízase por unha "excesiva ingesta de proteínas e graxas en detrimento dos hidratos de carbono, que resultan insuficientes", segundo sinalaron os expertos.

O pan, produto natural as materias primas do cal son auga, fariña e sal, representa, segundo incidiron os expertos, "unha fonte importante de hidratos de carbono". O seu compoñente máis abundante é o amidón, un polisacárido de glicosa que proporciona ao organismo en xeral, e ao cerebro en particular, parte da enerxía que necesita.

O pan achega vitaminas do grupo B. En concreto, a vitamina B1 ou Tiamina do pan é esencial no metabolismo glucídico de todos os tecidos, especialmente do cerebro e do corazón. Ademais, contén tamén minerais como fósforo, magnesio, calcio e potasio. Unha porción de 100 gramos de pan achega 19 miligramos de calcio, mineral encargado da formación dos ósos e dentes, e 91 miligramos de fósforo.

Comentarios (0)

Escribir comentario

Nome

Comentario

Novo Comentario

Compartir: