O concello de Pontevedra substituirá 1.125 ópticas incandescentes ou halóxenas dos semáforos instalados no municipio por outras lámpadas de tecnoloxía LED, que permitirán reducir o consumo en torno a un 80 por cento.

Esta medida será posible mediante un acordo co Instituto para a Diversificación e Aforro da Enerxía (IDAE), dependente do Ministerio de Industria. Pontevedra é unha das 600 localidades españolas que se suman a esta iniciativa, para a que o Goberno dispuxo unha dotación presupostaria de 20 millóns de euros en axudas.

O sistema de díodos tamén redunda nunha maior seguridade para o tráfico, tanto pola maior fiabilidade e durabilidade coma pola mellor iluminación percibida polo ollo humano, xa que os múltiples puntos de luz minimizan o fundido absoluto, engade o instituto enerxético.

No entanto, esta tecnoloxía ten un custo de substitución elevado en comparación co sistema tradicional de lámpadas incandescentes. Aínda así, a inversión amortízase en prazos inferiores aos oito anos, segundo o IDAE.

Comentarios (0)

Escribir comentario

Nome

Comentario

Novo Comentario

Compartir: