Jesús Ovidio Domínguez Bentín, de 68 anos de idade e nado na localidade coruñesa de Muxía, foi liberado en "boas" condicións de saúde, logo de permanecer secuestrado en Caracas desde o pasado 3 de marzo. A súa irmá Maruja Domínguez Bentín explicou que se atopa ben, mais que estivo todos estes días nun lugar escuro e tomando só líquido, polo que está moi delgado.

Así mesmo, Domínguez sinalou que o seu irmán lle dixera que, unha vez estea recuperado, aproveitará para facer unha viaxe a Galiza para visitar toda a súa familia, xa que, a última vez que visitou Muxía foi hai 12 anos.

Este incidente súmase á vaga de secuestros que se produciron en 2007, cando raptaron catro empresarios galegos, tres en Venezuela e un en Arxentina, todos liberados; ademais do asasinato o luns da semana pasada de Manuel Besteiro, tras ser tiroteado e asaltado por dous homes á entrada do seu negocio de materiais de construción en Marcacuay (Caracas).

Comentarios (0)

Escribir comentario

Nome

Comentario

Novo Comentario

Compartir: