MundoGaliza - Homenaxe a Manuel Balboa

Usuarios Rexistrados (Tamén para o Foro)

Homenaxe a Manuel Balboa

Redacción MundoGaliza | Luns, 24 de Marzo do 2008 | Comunicación

A Asociación Cultural Alexandre Bóveda renderá, hoxe luns, unha homenaxe ao músico galego Manuel Balboa cunha ofrenda floral e musical que terá lugar no cemiterio de Santo Amaro, na Coruña.

A homenaxe, que terá lugar ás 13.00 horas, contará coa presenza da familia do músico e coa participación do actor Lino Braxe e dunha representación da concellaría de Cultura da Coruña.

Manuel Balboa naceu na Coruña en 1958 e morreu na mesma cidade o 31 de xaneiro de 2004. Ademais de realizar música de escena e estudios musicais, é coñecido pola creación de partituras cinematográficas para películas como 'Canción de cuna' (1994) e 'El Abuelo' (1998), ambas do director madrileño José Luis Garci.

Comentarios (0)

Escribir comentario

< Ant.		Seg. >

[ Atrás ]