| Menos ocupación hoteleira na Semana Santa |
|
|
| Redacción MundoGaliza | Luns, 24 de Marzo do 2008 | Sociedade | |||
En canto ás cidades, a que máis afluencia rexistrou foi Ferrol, con taxas de entre o 95 e o 100 por cento de ocupación; seguida de Santiago, situada no 78,71 por cento; e A Coruña, cun 68,34 por cento. O concelleiro de Comercio e Turismo de Vigo, Santiago Domínguez, cifrou a ocupación hoteleira nun 60 ou 65 por cento e, ao respecto, considerou que "non foi un mal dato, pero tampouco foi o desexado, posto que o normal sería unha ocupación do 75 ou 80 por cento". Pola contra, a concelleira de Cultura de Lugo, Concepción Burgo, mostrouse "moi satisfeita de que se confirme unha tendencia de crecemento turístico" na cidade cunha estimación da Asociación de Hostaleiros de Lugo dun 71 por cento de media. Como causas do descenso da cidade pontevedresa, o presidente da Asociación de Hostaleiros de Vigo, Santiago Villanueva, aludiu á "influencia das previsións meteorolóxicas, que sempre prexudican a Vigo a pesar de que a cidade olívica non rexistra tan mal tempo como outras cidades galegas". "E tamén influíu a recesión económica e o feito de que a Semana Santa coincidiu en datas moi próximas ao Nadal e ás rebaixas", lamentou. TURISMO RURAL O presidente da Asociación Galega de Turismo Rural, Luciano Sánchez, apuntou que a ocupación neste tipo de establecementos durante a Semana Santa roldou o 80 por cento de media, "un cinco por cento menos que o ano pasado". Ademais, explicou que a Costa da Morte (A Coruña), a zona norte de Lugo, a Mariña lucense, a Ribeira Sacra (Lugo-Ourense) e Santiago e a súa área obtiveron, neste ámbito, niveis próximos ao 100 por cento. No entanto, as Rías Baixas (A Coruña-Pontevedra) "fixeron descender" esta taxa. TURISMO TERMAL O turismo termal en Galicia tamén rexistrou altas taxas, 90 por cento, de ocupación durante o período vacacional, segundo revelou a Asociación Balnearios de Galicia.
Compartir:         |
|||
| < Ant. | Seg. > |
|---|
