A Fundación Luis Seoane, en colaboración coa concellaría de Asuntos Sociais e o Colexio de Arquitectos da Coruña, rende unha homenaxe dende o mundo da arquitectura á Torre de Hércules, con motivo da súa candidatura para ser declarada Patrimonio da Humanidade, a través da mostra 'A luz de Lupo', un proxecto desenvolvido polo arquitecto Fermín Blanco.

O nome da mostra fai referencia ao arquitecto ao que se lle atribúe o deseño e a construción do faro romano, Gaio Sevio Lupo, "a quen se lle agradece a construción en forma de luz que permitiu que a estrutura perdurase até hoxe en día", segundo explicaron fontes da Fundación herculina.

Coa devandita mostra preténdense difundir os valores arquitectónicos da torre a través da construción de estruturas de porexpan que proveñen de caixas de peixe do Porto da Coruña e que permiten intervir na interpretación da súa estrutura.

O proceso de traslado e transformación do porexpán recóllese na mostra, a través dun proxecto expositivo, que se complementa cuns talleres didácticos nos que os nenos poderán reproducir a diferentes escalas o deseño do faro romano e comprender o porqué da súa estrutura e a relación que a construción mantén co ámbito.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario