| Feridos por unha carga policial |
|
|
| Redacción MundoGaliza | Sábado, 29 de Marzo do 2008 | A Coruña | |||
O presidente do comité de empresa, Xosé Manuel Vilariño, explicou que un traballador xa presentou unha denuncia por agresión e que outros decidirán se o fan o próximo luns. Vilariño asegurou que, "en vista da actitude en contra da negociación da empresa e da carga policial" decidiron que, de chegar ao 12 de abril sen un acordo, a folga será indefinida. "O lixo vaise acumular polas rúas e non imos mover nin un camión, vai haber cheiros e gases", advertiu. A concentración era a primeira dos traballadores de Albada, dentro do seu calendario de mobilizacións, e celebrouse entre as 13.00 e as 15.00 horas para incluír as dúas quendas de traballo e que os de mañá participasen de 13.00 a 14.00 horas e os da tarde de 14.00 a 15.00 horas. Vilariño afirmou que "acudiu todo o equipo" e que a concentración foi "totalmente pacífica". A partir de agora teñen prevista outra concentración para o próximo luns ás 10.30 horas na praza de María Pita, ademais doutras dúas para o 2 e o 4 de abril. De non alcanzar un acordo este calendario consumarase cunha folga indefinida a partir do día 12 do próximo mes, que se une á súa decisión de non traballar horas extras dende hai xa case tres semanas.
A renuncia a traballar horas extra provocou que os colectores de almacenaxe de lixo de Nostián estean repletos e que a mesma se acumule na explanada de entrada á planta. Este feito provocou xa queixas dos traballadores de Cespa, empresa encargada da recollida dos residuos da cidade e do seu transporte. A violencia policial e non policial é intolerable. E metidos xa noutra materia, máis vale que se amañen dunha vez senón non vai haber quen respite na Coruña. Como se non nos abondaran xa os cheiros habituais!!! Compartir:         |
|||
| < Ant. | Seg. > |
|---|
