Sócrates defende o investimento de Pescanova

Redacción MundoGaliza   |   Luns, 31 de Marzo do 2008   |   Portugal

O primeiro ministro portugués, José Sócrates, defendeu o investimento de 140 millóns de euros que levará a cabo en Portugal a empresa Pescanova para a posta en marcha da maior planta de acuicultura do mundo, na localidade de Mira.  Sócrates dixo que o proxecto de Mira, destinado á cría de rodaballo, é 'benvido e importante para a industria portuguesa', en resposta a unha pregunta do deputado da esquerda verde José Miguel Gonçalves. Gonçalves criticara a redución do orzamento do Instituto de Conservación da Natureza (ICN), que Sócrates xustificou pola contención do gasto que o Executivo socialista leva a cabo en todos os organismos do Estado. O deputado afirmou que a redución de fondos para o ICN se produce no momento en que Pescanova recibirá das arcas públicas unha cantidade de 43 millóns de euros para o seu proxecto de Mira. O proxecto de Pescanova suporá a creación de 200 postos de traballo directos, a través da posta en marcha dunha planta que construirá a compañía Somague, controlada por Sacyr Vallehermoso. Compartir: Comentarios (0) Escribir comentario Nome Comentario Escribe os carácteres da imaxe Novo Comentario

 

---

< Ant.		Seg. >