A presidenta da Unión de Mulleres Palestinas, Leila Khaled, de visita na cidade herculina, solicitou aos gobernos locais e ao Estado que apoien o país de Palestina para que o seu pobo "poida seguir loitando pola liberdade" fóra de Israel.

Insistiu na importancia que ten o comportamento de estados como España con respecto a Israel para que mellore a situación palestina, porque, segundo dixo, "se a decisión dunha parte do mundo logrou acabar co apartheid en Sudáfrica, tamén será posible intentalo de novo" para conseguir a paz en Palestina.

Así, considerou fundamental unha maior presenza dos problemas palestinos nos medios de comunicación, pero sobre todo a posibilidade de establecer "un boicot aos produtos israelís, así como a anulación dos acordos militares con ese país".

SITUACIÓN ACTUAL.

Khaled recordou as "continuas" violacións de dereitos humanos que se dan en Israel, que converten a vida dos palestinos "nun grande cárcere baixo o teito israelí". "Os seus mandatarios esnaquizaron máis de 10.000 fogares palestinos, e aínda o seguen facendo", acusou.

Ao respecto, engadiu que para a construción do muro que está a levantar o goberno israelí, "se acabou con moitas terras agrícolas que eran a fonte de ingresos para moitas familias palestinas"; ademais da existencia de máis de 11.000 presos palestinos en Israel, dos que máis de 1.000 son nenos.

Comentarios (0)

Escribir comentario

Nome

Comentario

Novo Comentario

Compartir: