Tivo a desfachatez de dicir que o non foi responsable da derrota electoral, "se fose responsable non me presentaría". Recordarlle a Mariano que polo formato dos debates televisivos (cara a cara con Zapatero), máis que unha elección de deputados ao congreso parecía unha votación exclusivamente para elixir entre Rajoy e Zapatero un presidente do goberno... e os cidadáns apostaron polo socialista.

O PP quedará sen renovación, os posibles rivais (Aguirre, Gallardón, ...) deron por perdida a batalla antes de empezar e xa apoian ao seu líder que será refrendado con seguridade como candidato en xuño. Para o PSOE moito mellor para seguir gobernando até o 2016.

Repite o ultradereitista Pío García-Escudero como portavoz no Senado e o único cambio, pola renuncia pública de Zaplana, é a entrada de Soraya Sáenz de Santamaría como portavoz do partido no Congreso. Escoitando debates en radio e televisión xa teño unha opinión sobre Soraya, situando o seu discurso, como Rajoy, baleiro de contidos e cheo de descualificacións ao goberno socialista.

Terán suficiente poder os medios de comunicación, encabezados por Losantos e Pedro J. Ramirez, para sacar da poltrona a JR? Tempo ao tempo.

Comentarios (0)